14.9.09

An Cogadh 3. An Rúise (Mí na Nollag 1917)

Bhí ríochta tréana thart fá gcuairt ar an nGearmáineach agus níorbh ionadh go ndéanfadh sé é féin a chosaint orthu, agus cé thóigfeadh air a ghárda a chur suas. Is mairg don té a d'ionnsaigh é gan a bheith fá réir. Thug sé iarranta móra don Rúiseach a scoilt ó bhun go barr é. Shíl seisean go raibh sé i ndon an tréan-tuargan a fhuilinnt ach tá a dhóthain mór don troid faighte cheana aige, agus tá sé ag tabhairt a aghaidh anois ar a chréachta féin a leigheas. Tá dream sa Rúise fá láthair a shíleas gur fearr an síothchán ná gach ní, gur ceart saibhreas agus ollmhaitheas na tíre a roinnt cothrom ar na daoine, agus an talamh a bhí ag na boic mhóra go dtí seo a roinnt amach cothrom ar lucht a shaothraithe. Tá an dream sin i gceannas sa tír fá láthair, agus is dócha go bhféacha siad le n-a ngealltanas a chomhlíonadh má fhéadann siad é. Ba mhillteach an iarraidh don tSasanach dá ndéanadh an Rúiseach síothchán leis an nGearmáin mar d'fhágfadh sin impireacht Shasana ina dhá leith scoilte 7 féachfa an Sasanach le cosc a chur leis an síothchán más féidir. Is fada an tír sin na Rúise ina múirtheacht agus ina conair chean ach ní héadáil rud ar bith mur dtéidh muintir na tíre iad féin i n-éadan a chéile. Má théann, tá siad réidh.
Ach téidís ag troid nó ná téadh, tá faitíos orainn nach bhfágfar suaimhneas i bhfad ag an Rúiseach. Tá sé is na nuachta go bhfuil an tSeapáin ag brath a theacht isteach sa gcogadh dáiríre, go dtug na Náisiúin Gheala cead a cinn di sa tSín, sin mar dhóigh dhe go bhfuair sí cead a reaise sa tSín ó na náisiúin atá i gconradh in aghaidh na Gearmáine, as ucht a cúnamh a fháil dóibh sa gcogadh. Tá sé i gceist go raibh sí ag margaíocht mar sin cheana le Sasana le sciorta den Austraelleá a fháil ach nach raibh muintir na tíre sin fabhrach. Má théann an tSeapáin isteach sa gcogadh, cuirfidh sí an Rúise isteach arís ar an taobh eile. Bhí sin féin "abartha" go ndéanfadh cuid de na náisiúin athrú ó thaobh go dtí an taobh eile le linn an cogadh mór a bheith ar siúl.

1 comment:

  1. Hello, tha mise bho na Stàitean Aonaichte, tha mi airson an teisteanas mhath seo a cho-roinn mu mar a chuidich Dr.Agbazara mi a thoirt air ais le mo leannan a bh 'ann. Nuair a bha mi a' lorg airson fuasgladh thàinig mi an conaltradh ri Dr.Agbazara agus le cuideachadh a thàinig mo leannan air ais gu mi taobh a-staigh 48 uair a thìde. Mar sin, le seo tha mi cho trom airson comhairle a thoirt do dhuine sam bith a tha a 'sireadh slighe airson a bhith a' faighinn a leannan air ais gus bruidhinn ri Dr.Agbazara air WhatsApp: ( +2348104102662 ) no tro phost-d aig: ( agbazara@gmail.com ) Tha mi cho toilichte co-dhiù mi fhìn agus tha mo leannan air ais dha chèile a-rithist agus a 'dol a chuir seachad cuirm na Bliadhn' Ùire còmhla. A 'toirt taing don Dr.Agbazara a-rithist ...

    ReplyDelete